Page 33 - Notiziario Parrocchiale San Bartolomeo e San Rocco Aprile-Maggio 2020

"U GRASCE AI NOSTRE MAME"
"U GRASCE AI NOSTRE MAME"

Ecco che belle poesie in bergamasc del nostro Alpino Nino Tironi ci sono arrivate in redazione in occasione
della festa della mamma. Grazie Nino. Uniamo ad esse il nostro grazie e i nostri auguri a tote i mame.
LA MAMA DU ALPINO
Me zamò de tuzèta a go semper ùt ona grann simpatia per la divisa,
e se po' en vedie ù col capel cola pena me mennnamurae.
Che se avress pùdit avres facc po' a me l' alpino perché pense che el
seess ù corp tant volenteruss; semper pronc a òtà i fradei e tocc chi i
ga bisogn, se ghè de riparà la cesina o de netà i senter lur iè semper
proncc a da ona mà.
Dientada granda e spusada go ut u bel tus che, dientat grant, ol
guerno ella ciamat soldat, metit in di alpini e me sere conteta perché
o contribuit po a me al corp di alpini.
La prima olta che lo est co la so divisa noa, capel co la pena, ma con
iocc che berlusià, e col magu perché lue l partia per la guera.
Me dopo che l' è partit, per miss e agn lo speciat, sentada so la scagna,
denacc ala finestra, coi occ fissi so la strada doe el ghera de rià.
Ma l'è mai turnat; i ma dicc che la maledeta guera el la dispers, la
so la steppa, so chele tere brusade dal frecc, con 40 gradi e piò sota zero doe me o mai pudit portaga
u fiurr, o metega u cruzì.
Urmai so dientata egia, sente ol fiat a mancà, alura ghe dirò al nost signiur de mandam in doe le
endacc lu, ol me alpino, isse podero edel amò, brasal fò, strensel a me e daga u bel bazi.
Po el vederò amò come alura, co la so bela divisa, ol capel co la pena e iocc a berlus, ma sensa pura,
contett perché lu l’ era endac a fa ol so doer, a servì la patria e la so bandiera; che per lu l’ era quase
come ona mama. FESTA DELLA MAMMA 10 MAGGIO 2020
Ciao Alpino.
PER TOTE EL MAME

Madona dol rocol de sema longa, benedes e daga coragio a tote el noste mame.
Perché, come te che te est ol to tus a murì so là crus, anche lur al ne est de tocc i culur.
Chela mamna che ala matina bonura, conteta, la preparaa la colaziu al tus che el va a laurà; però per
strada o sol cantier, ù incident e l'è piò turnat a ca.
Chele per la guera, quatro o sich tosai, al front sensa piò sai negot. Chela ù tus sul, partit a ent agn e piò
turnat a ca.
Chela che per miss là specià ol so erede, che per amur e pasciù, la ghe preparat ol so coredi, ol materasì
e la cuna; per ona brota sfortuna, I è riat e I sé n' vulat. Lasando la cuna oda e la mama disperada.
E po se me pense a la mè mama con ses tosai e con negot de negot; ol tata I era luntà per ol laurà.
Le la faa on po de tott: la n' gogiaa, la laa, la stiraa,
po la otaa a fa ol fè, pur de iga ona scodela de lacce u
pogn de farina per fa la polenta ai so tosai.
Mama pense che a to ulit be, forse mia a se per tott che
te facc per me e i me fradei.

Adess egne a troat, te porte u fiur e te dighe u requiem,
po te dighe grazie grazie mama. Ciao.
Po me diress che tote ste mame le sares de santificà
per tot chel che i a facc e chel che ia sufrit.
FESTA DELLA MAMMA 10 MAGGIO 2020

Aprile-Maggio 2020 33